Pengajian Hari Jum'at

Ciri-ciri Jalma Soleh

dina ieu kasempetan simkuring rek nyaritakaeun pangalaman kuring dina nalika milu pangajian rutin anu sok diayakeun dina samingu sakali nyaeta dina poe Jum'at.

Dina poe ieu anu kagiliran Ceramahna nyaeta Ust. Bambang Abdul Aziz beliau salaku Putra Pimpinan pondok pesantren Al-Falah Kebonkalapa.

Dina ieu ceramah Ust. Bambang mgajelaskeun rupa rupa ciri jalma soleh, ari soleh teh eta hiji sifat anu wajib aya di jalma anu ngaku islam, sabab ku jalan soleh urang bisa taqwa Allah SWT, tapi loba jalma anu hayang soleh tapi teu apal jalan kumaha supaya jadi jalma soleh, anu kadituna lain jadi soleh kalah jadi jiga soleh. Antara soleh jeung siga soleh eta jauh beda, sabab ari jalma solehmah aya cirina anu tos dijelaskeun dina Al-Qur'an surat Al Imran ayat 114, dina ayat eta dijelaskeun bahwa ciri jalma solehteh aya 4 :

1. Iman Ka Allah SWT jeung Kana Poe Akhir

Ciri kahiji jalma solehteh nyaeta jalma anu iman Ka Allah jeung kana Poe Akhir, naon kaitanana jalma soleh kudu anu percaya ka Allah jeung kana Poe Akhir, sabab hiji jalma lamun boga kaimanan anu bener manehna mol gagabah dina ngalksanakeun ibadah ka gusti, hartina bakal bener bener ngajalakeun parentah Allah sesuai Syarat jeung Rukuna hartina make Elmuna. Jalma anu Iman Ka Allah bakal salalawasna ngajalankeun ibadah kalayan make Elmu. Kadua kaitanana jalma soleh kudu percaya kana poe akhir, sabab jalma anu percaya kana poe akhir manehna bakal salalawasna hati hati dina samemeh ngajalankeun hiji perkara jeung bakal Tadabbur (mikirkeun kana akibat anu bakal timbul tina eta perkara).

2. Marentah kana Ma'ruf

Menurut para ulama ari definisi ma'ruf teh nyaeta Perkara anu dinilai bener ku aturan syara jeung adab. Hartina jalma solehmah sok peduli kana perkara anu bener bari ngajak kana eta perkara conto ma'ruf menurut aturan syara saperti solat puasa jeung perkara perkara nu sejena, terus ari ma'ruf menurut adap saperti lamun dina aturan sakola barudak kudu datang tepat waktu tah eta ogea akur disebut ma'ruf. Jalma soleh teu weuleh ngajak ka sasama jalma kana perkara anu bener hartina moal nyaman ngalakukeun kahadean sorangan sedengkeun anu sejen heunteu ngalaksanakaeun.

3. Nyarek kana Munkar

Lamun definisi mukar nyaeta lalawanan tina maruf hartina sagala perkara anu dianggap teu alus ku hukum syara jeung ku adab.Dina hal ieu jalma soleh sok terus paduli kan hal hal anu teu hade, teu betah lamun nempo hiji hal anu teu hade katempona, mangka jalma solehmah tara ngantep kana pamunkaran, cara nyegah pamunkaran geus diajarkeun ku para ulama dina kitab Sulamuttaufiq bahwa dimana mana urang ningali hiji pamunkaran, maka wajib urang nyarekna etamah rek nyarekna ku ucapan, atwa ku kalakuan, atwa kumaha wae carana supaya eta pamunkaran teu dipigawe.

4. Ngaburu buru kana kaalusan

Ciri jalma soleh anu terakhir nyaeta ngagancang2 kana kaalusan hartina tara nunda nunda kana hala kaalusan, teu kudu di ajak, tapi dina ngalaksanakeun kaalusan aya nu leuwih penting anu kudu ku urang diperhatikeun lain ngan saukur kudu geuwat tapi anu paling penting nyate Elmuna, percuma urang ngaburu-buru migawe kaalusan ari elmuna kosong, da hiji kaalusan atwa ibadah teu make elmu etateh moal ditarima ku gusti.

mudah mudahan ku ayana ieu penjelasan urang bisa kaasup kana kriteria jalma soleh Amiiin.......